«Կրեմլը ռազմական սպառնալիքի աղբյուր է Եվրոպայի համար». Լեհաստան
Լեհաստանի պաշտպանության նախարար Անտոնի Մացերևիչը հայտարարել է, որ «Ռուսաստանի գործողությունների նպատակն է վերականգնել Լեհաստանի նկատմամբ գերիշխանությունը», հայտնում է «Լեհական ռադիոն»։
«Երկրում փոփոխությունները ազդում են ողջ աշխարհի աշխարհաքաղաքական իրավիճակի վրա, և մեր դաշնակիցները տեսան, որ լեհերը ցանկանում են պաշտպանել իրենց անկախությունն ու ազատությունը»,- ասել է նա։
Նրա կարծիքով՝ Վարշավայում ՆԱՏՕ-ի գագաթաժողովի անցկացման որոշումը պատմական նշանակություն ունի Կենտրոնական և Արևելյան Եվրոպայի համար, քանի որ արդեն Ռուսաստանը չի որոշում, թե որ զորքերը իրավունք ունեն գտնվել Լեհաստանի տարածքում։
«Կրեմլը այսօր ռազմական սպառնալիքի աղբյուր է Եվրոպայի համար»,- հայտարարել է նա։
