Տալինի օդանավակայանում պայթյունի վտանգի հետևանքով մարդկանց էվակուացրել են
Էստոնիայի մայրաքաղաք Տալինի օդանավակայնում պայթունի վտանգի հետևանքով էվակուացրել են մարդկանց: Այս մասին հայտնում է «Ինտերֆաքս»-ը:
Նշվում է, որ տեղական ժամանակով ժամը 12:10-ին հաղորդում է ստացվել օդանավակայում պայթյունի վտանգի մասին: Այս պահին ստուգում են ուղևորների իրերը, ինքնաթիռները, օդանավակայանի տարածքից մարդկանց էվակուացրել են:
Դեպքի վայր են ժամանել ոստիկանության աշխատակիցները` ծառայողական շներով: Քրեական գործ է հարուցվել հասարակական կարգը կոպտորեն խախտելու հոդվածի հատկանիշներով: Ժամանող չվերթների ուղևորներն առայժմ մնացել են ինքնաթիռներում:
