Նոբելյան կոմիտեն այդպես էլ չի կարողացել կապ հաստատել Բոբ Դիլանի հետ. The Guardian
Նոբելյան կոմիտեն վերջնականապես հրաժարվել է ամերիկացի նշանավոր պոետ ու երաժիշտ Բոբ Դիլանի հետ հեռախոսով կապվելու փորձերից, որպեսզի նրան հայտնի գրականության բնագավառում Նոբելյան մրցանակի շնորհման մասին եւ պարզի՝ գալու է նա արդյոք դրա հանձնման արարողությանը: Այս մասին հայտնում է The Guardian լոնդոնյան թերթը:
«Ներկայում մենք ոչինչ չենք ձեռնարկում»,-հրատարակությունը մեջբերել է Շվեդական համալսարանի մշտական քարտուղար Սառա Դանիուսի խոսքը: Ընդսմին նա ասել է, որ հեռախոսակապ է հաստատել եւ Էլեկտրոնային փոստով համապատասխան հաղորդագրություններ է ուղարկել այն համերգավարին, որի հետ դափնեկիրը սերտորեն համագործակցում է, եւ որն արդեն շատ բարյացակամ պատասխաններ է ուղարկել Նոբելյան կոմիտե:
«Ներկա պահին դա միանգամայն բավարար է: Ես բնավ չեմ անհանգստանում, կարծում եմ նա կհայտնվի»,- նշել է ակադեմիայի քարտուղարը, հաղորդել է ՏԱՍՍ-ը:
