Արցախում անցկացվել են ՊԲ զորամասերի բժշկական կետերի պետերի հրամանատարական հավաքներ
Հոկտեմբերի 19-ից 21-ը ՊԲ զորամասերի բժշկական կետերի պետերի հետ անց են կացվել հրամանատարական հավաքներ, որոնց ընթացքում շեշտադրումներ են կատարվել այնպիսի հարցերի վրա, ինչպիսիք են ղեկավար փաստաթղթերի իմացությունն ու դրանց վարման կարգը, ախտորոշման, կանխարգելիչ միջոցառումների, համաճարակային հիվանդությունների դասակարգման և այլ կարևոր ոլորտներ, որոնք կազմում են ուսուցանվող կազմի ամենօրյա գործունեության առանցքը:
Հավաքի շրջանակում կազմակերպվել է նաև ցուցադրական պարապմունք գնդի բուժկետի կառուցվածքի, նշանակության, բուժկանխարգելիչ միջոցառումների և բուժօգնության ծավալների վերաբերյալ:
ԼՂՀ ՊՆ մամուլի ծառայություն
