Ադրբեջանում կմիավորեն բանկերի բոլոր խնդրահարույց ակտիվները
Ադրբեջանի ֆինանսական շուկաների վերահսկողության պալատը պլանավորում է միավորել բանկային ոլորտի բոլոր խնդրահարույց ակտիվները «մեկ տանիքի տակ», Ադրբեջանի խորհրդարանում հայտարարել է գերատեսչության տնօրենների խորհրդի նախագահ Ռուֆատ Ասլանլին։ Այս մասին հայտնում է ադրբեջանական haqqin.az պորտալը։
«Կառավարությունն արդեն որոշ ժամանակ քննարկում է խնդրահարույց ակտիվների ինստիտուցիոնակ կառավարման հարցը։ Համապատասխան զեկույցն արդեն ներկայացվել է Ադրբեջանի նախագահի վարչակազմին։ Ֆինանսական կայունության խորհուրդը արդեն աշխատում է այդ ուղղությամբ, որոշումը, ամենայն հավանականությամբ, մոտ օրերս կկայացվի»,- ասել է ադրբեջանցի պաշտոնյան։
