ՀՀ պետական մարմինները կպաշտպանվեն DoS և DDoS հարձակումներից
Հայաստանի պետական մարմիններն այսուհետ կգնեն միայն DoS և DDoS հարձակումներից պաշտպանությամբ ինտերնետային կապ: Կառավարության նիստում ներկայացնելով համապատասխան որոշումը՝ այդ մասին նշեց ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը:
«Սահմանվել են նաև պաշտպանվածության չափորոշիչները»,- ասաց նախարարը: Մասնավորապես, ինտերնետ-պրովայդերը պետք է պաշտպանություն ապահովի SYN հարցման տեսքով հարձակումներից, SSL, HTTP Get եւ Post URL, DNS եւ UDP հարձակումներից:
