«Մոսուլի վրա հարձակումը զարգանում է նախատեսվածից արագ». Իրաքի վարչապետ
Իրաքի բանակի հարձակումը ԴԱԻՇ-ի վերահսկողության տակ գտնվող Մոսուլ քաղաքի ուղղությամբ ընթանում է արագ, քան պլանավորվել էր, հայտարարել է Իրաքի վարչապետ Հայդեր Աբադին։
«Մենք արագ ենք առաջ շարժվում, քան սպասում ու պլանավորում էինք»,- ասել է նա միջազգային համաժողովի տեսակամուրջի ընթացքում, որը նվիրված է Մոսուլի ապագային։
«Մեր ուժերն սկսել են առաջ շարժվել, որպեսզի ազատագրվի այդ քաղաքը, որը ԴԱԻՇ-ը գրավել էր ավելի քան 2 տարի առաջ։ Ռազմական ստորաբաժանումները քաղաքին ավելի արագ են մոտենում, քան մենք սպասում էինք, և իհարկե, արագ, քան մենք հաշվարկում էինք՝ ծրագրելով արշավը»,- ասել է Իրաքի վարչապետը։
Համաժողովին ներկա Ֆրանսիայի նախագահը նախազգուշացրել է, որ քաղաքից դուրս եկող ծայրահեղականները, ամենայն հավանականությամբ, կհատեն Սիրիայի հետ սահմանն ու կուղևորվեն Ռաքքա։
