ՆԱՏՕ-ում հայտնել են Սառը պատերազմից ի վեր ՌԴ նավերի խոշորագույն տեղաշարժի մասին
ՆԱՏՕ-ում հայտնել են, որ ռուսական ռազմանավերը կործանիչ-ռմբակոծիչներ են տեղափոխում Սիրիայի Հալեպ քաղաքում իրենց ավիացիայի ուժեղացման նպատակով։ Այս մասին գրում է Reuters-ը՝ հղում կատարելով դաշինքին։
«Մոսկվան ներգրավել է Հյուսիսային և Բալթյան նավատորմի նավերի մեծ մասը»,- պատմել է աղբյուրը։
Նրա խոսքով՝ հոկտեմբերի 19-ին ռուսական ռազմանավերն անցել են Նորվեգիայի ջրային ավազանի մոտով։
«Դա Սառը պատերազմից ի վեր տեղաբաշխման ամենախոշոր գործողությունն է»,- հայտնել է աղբյուրը։
ՆԱՏՕ-ում կարծում են, որ այդկերպ Ռուսաստանը մտադիր է ավելացնել ինքնաթիռների թիվը, որպեսզի 2 շաբաթվա ընթացքում սկսի ու ավարտին հասցնի Հալեպի օդային գործողությունը։
