Մեդվեդևը և Սարգսյանը քննարկել են ԵԱՏՄ երկրների տնտեսական աճի խթանմանը վերաբերող հարցեր
Ռուսաստանի վարչապետ Դմիտրի Մեդվեդևը հանդիպել է Եվրասիական տնտեսական հանձնաժողովի նախագահ Տիգրան Սարգսյանի հետ: Մեդվեդևն ընդգծել է Սարգսյանի հետ պարբերական հանդիպումների փաստը և նշել, որ այժմ նախապատրաստվում է Եվրասիական միջկառավարական խորհրդի հերթական նիստը, որը տեղի է ունենալու Մինսկում: ՌԴ վարչապետը հետաքրքրվել է, թե ինչպես են ընթանում աշխատանքները:
«Այսօր օրակարագային ամենաարդիական հարցը ինտեգրման խրախուսումն է: Մենք փորձում ենք գտնել լրացուցիչ խթաններ, որոնք կկարողանան բացահայտել ողջ ներուժը և օգնել մեր երկրներին առաջին հերթին խթանել ներքին արտադրանքի աճը: Սա մեր երկրների կառավարությունների համար ամենաարդիական թեման է: Մենք պատրաստել ենք առաջարկ, թե ինչպես այդ ամենն առաջ մղել»,- ՌԴ կառավարության պաշտոնական կայքի փոխանցմամբ՝ ասել է Տիգրան Սարգսյանը:
Մեդվեդևն առաջարկել է քննարկել բոլոր առանձին ուղղությունները: «Մեր միջկառավարական խորհրդի նիստերը մշտապես անցնում են առողջ քննարկումների ներքո. երբեմն ստիպված ենք լինում քննարկել նաև տարակարծություններ ունեցող հարցեր, գտնել փոխզիջումներ: Հանդիպում ենք Ձեզ հետ, որպեսզի լավ նախապատրաստվենք»,- նշել է Մեդվեդևը:
