New Horizons զոնդը ամպեր է հայտնաբերել Պլուտոնի վրա
Պլուտոնի նոր լուսանկարները, որոնք Երկիր են ուղարկվել New Horizons զոնդի կողմից, վկայում են նրա մթնոլորտում ամպերի առկայությունը, ինչի գոյությունը անհրաժեշտ է դարձնում դեպի այդ երկնային մարմին եւս մեկ առաքելության ուղարկումը: Այս մասին հայտարարել է առաքելության ղեկավար Ալան Շտեռնը՝ ելույթ ունենալով EPSC-DPS Փասադենայում անցկացվող մոլորակագիտական խորհրդաժողովում:
Մասնավորապես, ինչպես նշել է Շտեռնը, New Horizons-ի վերջին նկարահանումներում իր թիմին հաջողվել է հայտնաբերել, որ Պլուտոնի բարակ մթնոլորտում գոյություն ունեն ամպեր, որոնք գոյացել են ազոտի կամ ածխաջրածինների բյուրեղներից: Առայժմ գիտնականները չեն կարողանում դրանց գոյության միանշանակ հաստատումներ գտնել, ինչի համար, Շտեռնի կարծիքով, ամենայն հավանականությամբ կպահանջվի նոր առաքելություն ուղարկել դեպի Պլուտոն, հաղորդել է ՌԻԱ Նովոստին:
