Անկարայում ԴԱԻՇ-ի ահաբեկիչ է սպանվել

Անկարայում անցած գիշեր ոստիկանության հատուկ ջոկատայինները ստուգայց են իրականացրել այն վայրում, որտեղ բնակվել է ԴԱԻՇ-ի անդամներից մեկը։ Նա դիմադրություն է ցուցաբերել և սպանվել փոխհրաձգության ընթացքում։

Ոստիկանական գործությունն անցկացվել է Էթիմեսգութ շրջանում, որը գտնվում է Թուրքիայի մայրաքաղաքի հյուսիս-արևմուտքում։ Բնակարանում հայտնաբերվել են մեծ քանակությամբ պայթուցիկներ։

Սպանվածը եղել է 1992թ. ծնված Ահմեդ Բ.-ն։
Ավելի վաղ Անկարայի նահանգապետը հայտարարություն էր տարածել, որտեղ հաղորդվում էր, որ մինչև նոյեմբերի վերջ մայրաքաղաքում արգելվում են զանգվածային միջոցառումները։ Որոշման պատճառը եղել էր ահաբեկչական հարձակումներ իրականացնելու մասին տեղեկության ստացումը։