Պատանդներ՝ Բրյուսելի Carrefour սուպերմարկետում

Դանակով զինված անհայտ տղամարդը 15 մարդու է պատանդ վերցրել Բրյուսելի հարավում գտնվող Ֆորե կոմունայի Carrefour սուպերմարկետում, հայտնում է BBC-ն։

Նախնական տեղեկություններով՝ դեպքի հետևանքով ոչ ոք չի տուժել։ Դեպքի վայրում աշխատում են իրավապահները, ոստիկանության հատուկ ստորաբաժանումները, սուպերմարկետին հարակից շրջանները շրջապատված են ոստիկանների կողմից։

Տեղի VRT հեռուստաալիքը դեպքը բացատրում է գողության փորձ կատարելու փաստով, սակայն դեռ հայտնի չեն հարձակում գործած անձի մոտիվները։