«Այդ հայտարարություններն անխուսափելի էին». Սերգեյ Մինասյան
ՀԱՊԿ գագաթնաժողովի ընթացքում Արցախյան հիմնահարցի հետ կապված հայտարարությունը «Կովկաս» ինստիտուտի փոխտնօրեն, քաղաքագետ Սերգեյ Մինասյանը գնահատում է ֆորմալ, բայց անխուսափելի: «Դրանք տրամաբանական էին, քանի որ գագաթնաժողովը տեղի էր ունենում Երևանում, և Հայաստանը այդ պահին շարունակում էր մնալ ՀԱՊԿ-ում նախագահող երկիր»,- «Արմենպրես»-ի հետ զրույցում նշեց Մինասյանը: Քաղաքագետի խոսքով՝ այդ հայտարարություններն անխուսափելի էին, սակայն հաշվի առնելով որոշ երկրների սեփական շահերն ու մոտեցումներն՝ դրանք արվեցին ֆորմալ ձևով:
