Իրաքի պատվիրակությունը կայցելի Անկարա՝ բանակցելու թուրքական «Բաշիկա» ճամբարի վերաբերյալ
Իրաքի պատվիրակությունը կայցելի Թուրքիա՝ կարգավորելու երկու երկրների միջև առաջացած խնդիրները, որոնք վերաբերում են երկրի հյուսիսում գտնվող թուրքական «Բաշիկա» ճամբարին, հայտարարել է Թուրքիայի արտգործնախարար Մևլյութ Չավուշօղլուն։
Նախօրեին Թուրքիայի ԱԳՆ-ի պատվիրակությունն այցելել է Բաղդադ և բանակցություններ անցկացրել Իրաքում թուրք զինվորականների գտնվելու հարցի վերաբերյալ, սակայն, ըստ Իրաքի կառավարության ներկայացուցչի հայտարարության, դրանք արդյունավետ չեն եղել։
«Այս շաբաթվա վերջին Բաղդադից պատվիրակություն կժամանի Թուրքիա։ Երկու կողմերն էլ ունեն ձգտում՝ այդ հարցը երկխոսության ճանապարհով լուծելու համար»,- Չավուշօղլուի խոսքերը մեջբերել է NTV հեռուստաալիքը։
