Ալիևը հուսով է, որ Բաքու-Թեհրան-Մոսկվա համագործակցությունը կշարունակվի
Բաքուն հուսով է, որ Ադրբեջան-Իրան-Ռուսաստան ձևաչափով եռակողմ համագործակցությունը կշարունակվի։ Ինչպես հաղորդում է RIA Novosti-ն, այս մասին հայտարարել է Ադրբեջանի նախագահ Իլհամ Ալիևը՝ ռուս հաղորդավար Դմիտրի Կիսելյովին տված հարցազրույցի ժամանակ։
«Ուրախ և հպարտ ենք, որ մեզ հաջողվեց կազմակերպել նման հանդիպում։ Հուսով ենք՝ այն ապագայում կշարունակվի»,- հայտարարել է Ալիևը։
Նրա կարծիքով՝ այդ եռակողմ ձևաչափն արդեն լուրջ գործոն է դարձել միջազգային քաղաքականությունում։
«Դա համաշխարհային, գլոբալ քաղաքականության փաստ է։ Դա տարածաշրջանային, տրանսպարտային ձևաչափ չէ, դա լուրջ արտաքին քաղաքական, աշխարհաքաղաքական նախաձեռնություն է և արդեն իրականություն է։ Մենք մեր կողմից կանենք հնարավորը՝ այդ ձևաչափը հագեցնելու համար։ Մենք ճիշտ նույնպիսի մոտեցում ենք տեսնում մեր ռուս և իրանցի գործընկերների կողմից»,- ընդգծել է նա։
Առաջին եռակողմ գագաթաժողովը այդ ձևաչափով տեղի էր ունեցել այս տարվա օգոստոսի 8-ին Բաքվում։
Հաջորդ հանդիպումը Թեհրանի առաջարկով պետք է տեղի ունենա Իրանում։
