«Մանչեսթեր Յունայթեդը» սահմանեց ԱՊԼ-ում գնդակին տիրելու ակումբային հակառեկորդ
Լուի Վան Գալի ստեղծած թիմից հետք անգամ չի մնացել:
ԱՊԼ-ի 8-րդ տուրի «Լիվերպուլի» հետ խաղում «Մանչեսթեր Յունայթեդը» տիրել է գնդակին խաղային ժամանակի 34 տոկոսը: Այդքան շատ մանկունյանցիները չեն մնացել առանց գնդակի Պրեմիեր լիգայի ստեղծման պահից:
«Լիվերպուլի» և «Մանչեսթեր Յունայթեդի» միջև խաղը, որը տեղի ունեցավ երկուշաբթի «Էնֆիլդում», ավարտվեց 0:0 հաշվով:
«Մանչեսթեր Յունայթեդը» 8 տուրերից հետո 14 միավորով զբաղեցնում է մրցաշարային աղյուսակի 7-րդ հորիզոնականը:
«Լիվերպուլը» 4-րդ տեղում է՝ վաստակած 17 միավորներով:
Պատրաստեց Անի Գաբուզյանը
