Ադրբեջանը կոչ է արել Ուզբեկստանին օգտվել «Բաքու-Թբիլիսի-Կարս»-ի հնարավորություններից
Ադրբեջանը կոչ է արել Ուզբեկստանին օգտվել «Բաքու-Թբիլիսի-Կարս» երկաթուղային նախագծի հնարավորություններից, հայտնում է ադրբեջանական Trend գործակալությունը:
Ադրբեջանի արտգործնախարար Էլմար Մամեդյարովը Տաշքենդ կատարած աշխատանքային այցի ընթացքում հանդիպել է Ուզբեկստանի արտգործնախարար Աբդուլազիզ Քամիլովի հետ, հայտնել են Ադրբեջանի ԱԳՆ-ից:
Հանդիպման ընթացքում Մամեդյարովն իր գործընկերոջը տեղեկացրել է պատմական Մետաքսի ճանապարհի վերականգնման, մասնավորապես «Բաքու-Թբիլիսի-Կարս» նախագծի մասին։ Մամեդյարովը նշել է, որ նախագիծը բարենպաստ պայմաններ է ստեղծում Ուզբեկստանի համար, որպեսզի օգտվի երկաթուղային նախագծից:
