Եվրոյի հիմնադիր-հայրը կանխատեսել է դրա փլուզումը
Եվրոյի նախագիծը մոտ է կոլապսի ճանապարհին, հայտարարել է դրա հիմնադիր հայրերից մեկը՝ ԵԿԲ նախկին գլխավոր տնտեսագետ Օտմար Իսսինգը Daily Telegraph-ի համար գրված հոդվածում։
«Եվրոյի ողջ նախագիծը իր ներկայիս տեսքով չկայացած է ու անաշխատունակ»,- հայտարարել է Իսսինգը։
Խնդիրը, նրա խոսքով, այն է, որ միասնական եվրոպական արժույթը իրենից ներկայացնում է ոչ թե տնտեսական, այլ քաղաքական նախագիծ։
Իսսինգը ենթադրում է, որ նրանք, ովքեր մտածել են, թե հունական պարտքային ճգնաժամը կհանգեցնի եվրոյի փլուզմանը, սխալվում էին։ Եվրոպական կարևորագույն խաղացողները, առաջին հերթին՝ Գերմանիան, ներդրում են կատարել ԵՄ-ում այնքան, որ չէին կարող պարտվել առանց մարտի։ Սակայն բազմամիլիարդանոց լցոնումները հունական տնտեսությունում միայն հետաձգել են ճգնաժամը։
«Կայունության և աճի պակտը այս կամ այն չափով ձախողվել է։ Շուկայական կարգուկանոնին վերջ է դրվել շնորհիվ Եվրոպական կենտրոնական բանկի»,- ենթադրում է պրոֆեսորը։
Տնտեսագետը ենթադրել է, որ «մի հրաշալի օր այդ թղթե տնակը կփլուզվի»։
