Կիբեռանվտանգության համաշխարհային ծախսերը մինչև 2020 թվականը կհասնեն 100 մլրդ դոլարի
Թվային անվտանգության ոլորտում ապրանքների եւ ծառայությունների գլոբալ շուկան ՏՏ-ծառայությունների ընդհանուր շուկայից կրկնակի ավելի արագ է աճելու եւ մինչեւ 2020 թվականը կգերազանցի 100 մլրդ դոլարը: Այս կանխատեսումըն արել են International Data Corporation-ի (IDC) փորձագետները:
Ընթացիկ տարում ընկերությունները կիբեռանվտանգության վրա կծախսեն 73,7 մլրդ դոլար, իսկ մինչեւ 2020 թվականը տարեկան միջին աճը կկազմի 8,3 տոկոս, նշում են վերլուծաբանները:
2016 թվականին թվային անվտանգության խոշորագույն շուկան կդառնա ԱՄՆ-ը (31,5 մլրդ դոլար), երկրորդ տեղում Արեւմտյան Եվրոպան է (19,5 մլրդ դոլար), երրորդում՝ Ասիախաղաղօվկիանոսյան տարածաշրջանը, որը, ինչպես սպասվում է, աճի առաջատարը կդառնա հաջորդ հինգ տարում, հաղորդել է «Ինտերֆաքս»-ը:
