«ԱՄՆ-ը Մերձավոր Արևելքում գտնվում է հուսահատության մեջ». Թուրքիայի փոխվարչապետ
ԱՄՆ-ի քաղաքականությունը Մերձավոր Արևելքում չունի երկարաժամկետ պլաններ, ամերիկացիները գտնվում են հուսահատության մեջ, հայտարարել է Թուրքիայի փոխվարչապետ Նուման Քուրթուլմուշը։
«ԱՄՆ-ը փոխել է Մերձավոր Արևելքում իր դաշնակիցներին, իսկ իր մրցակիցներին դիտարկում է ինչպես թշնամիների։ Այդ ամենը թույլատրելի է արտաքին քաղաքականության տեսակետից, սակայն լավ կլիներ հասկանալ նման գործողությունների պատճառները։
Չեմ կարծում, որ այդ ամենը ամերիկացիների երկարաժամկետ պլանի արդյունքն է։ Նրանք այսօր հուսահատ են, նրանք մերթ այս կողմն են ընկնում, մերթ՝ այն»,- հայտարարել է Քուրթուլմուշը Anadolu գործակալությանը տված հարցազրույցում։
