«Ռուսաստանի հետ հարաբերությունների կարգավորումը շարունակվում է». Էրդողան
Թուրքիան վստահ է, որ Մոսկվայի և Անկարայի հարաբերությունների կարգավորման ընթացքը շարունակվում է: Ինչպես հայտնում է RIA Novosti-ն, այս մասին հայտարարել է Թուրքիայի նախագահ Ռեջեփ Էրդողանը:
«Թուրք-ռուսական հարաբերությունների տեսակետից մենք ունեցանք շատ արդյունավետ, շատ հագեցած աշխատանքային օր: Եվ մեր աշխատանքի արդյունքում ստորագրվել են համաձայնագրեր:
Ես ամբողջությամբ և լիարժեք կերպով վստահ եմ, որ թուրք-ռուսական հարաբերությունների կարգավորման գործընթացը ողջ ուժով շարունակվում է»,- ասել է Էրդողանը երեկ՝ ՌԴ նախագահ Վլադիմիր Պուտինի հետ հանդիպման արդյունքներով:
