Ռուսաստանն ու Թուրքիան ստորագրել են «Թուրքական հոսքի» վերաբերյալ միջկառավարական համաձայնագիրը
Ռուսաստանն ու Թուրքիան երեկ երեկոյան պայմանավորվածություն են ձեռք բերել և ստորագրել «Թուրքական հոսքի» երկու ճյուղերի շինարարության վերաբերյալ միջկառավարական համաձայնագիրը: Ինչպես հայտնում է TASS-ը, փաստաթուղթը ստորագրվել է երկու երկրների էներգետիկայի նախարարների կողմից՝ ՌԴ-ի և Թուրքիայի նախագահների բանակցությունների արդյունքում:
Փաստաթղթի ստորագրման արարողությանը ներկա են եղել Վլադիմիր Պուտինն ու Ռեջեփ Էրդողանը:
Ավելի վաղ «Գազպրոմ» ընկերության վարչության նախագահ Ալեքսեյ Միլլերը հայտարարել էր, որ կողմերը համաձայնության են եկել:
«Համաձայնագիրը նախատեսում է գազատարի երկու ճյուղի շինարարություն Սև ծովի հատակով»,- հայտնել էր Միլլերը:
Նրա խոսքով՝ երկու ճյուղերը պետք է կառուցվեն մինչև 2019թ. դեկտեմբերը:
