«Նավթագազային ոլորտի մասնաբաժինը Ադրբեջանի տնտեսությունում կազմում է 30 տոկոս». Ալիև
Ադրբեջանի տնտեսությունում նավթագազային ոլորտի մասնաբաժինը կազմում է 30 տոկոս: Ինչպես հայտնում է ադրբեջանական APA գործակալությունը, այդ մասին երեկ Ստամբուլի 23-րդ Համաշխարհային էներգետիկ կոնգրեսի ժամանակ հայտարարել է Ադրբեջանի նախագահ Իլհամ Ալիևը:
Նրա խոսքով՝ Ադրբեջանը աշխատանքներ է տանում՝ նվազեցնելու էներգառեսուրսներից ունեցած կախվածությունը:
«Մեր էներգետիկ քաղաքականությունը թույլ է տվել մեզ ներդրումներ կատարել օտար պետություններում, մասնավորապես Թուրքիայում Ադրբեջանը ներդրել է 20 մլրդ դոլար:
Այսօր էներգետիկ հարցերի քննարկման ժամանակ անհնար է հաշվի չառնել Ադրբեջանին ու Թուրքիային, քանի որ մենք ունենք դիվերսիֆիկացված արտահանման ցանց»,- հայտարարել է Ալիևը:
Նրա խոսքով՝ Ադրբեջանն ու Թուրքիան հաջողությամբ շարունակում են համատեղ նախագծերը:
