Ստրասբուրգում իր աշխատանքն է սկսում ԵԽԽՎ աշնանային նստաշրջանը

Այսօր Ստրասբուրգում իր աշխատանքն է սկսում Եվրախորհրդի խորհրդարանական վեհաժողովի (ԵԽԽՎ) աշնանային նստաշրջանը։

Նստաշրջանը կտևի մինչև հոկտեմբերի 14-ը։ Դրա շրջանակում ելույթ կունենան Ֆրանսիայի նախագահ Ֆրանսուա Օլանդը, Գերմանիայի ԱԳՆ ղեկավար Ֆրանկ-Վալտեր Շտայնմայերը, Թուրքիայի արտգործնախարար Մևլյութ Չավուշօղլուն։

Նստաշրջանի ընթացքում կքննարկվեն Թուրքիայում ստեղծված իրավիճակը, Ուկրաինայի հակամարտությունը, երեխայի իրավունքի հարցերը՝ կապված փոխնակ մայրության հետ, սոցիալական և ֆինանսական ապահովության հարցերը, Միջազգային քրեական դատարանի հետ համագործակցությունը։

Էստոնիայի ԱԳՆ ղեկավար Յուրգեն Լիգին կներկայացնի ԵՄ նախարարների կոմիտեի գործունեության վերաբերյալ զեկույց, որը նա գլխավորում է։