Հալեպում հայ զինվոր է վիրավորվել
arevelk.am. Սիրիական բանակում ծառայող հայ զինվոր Թոնի Հեքիմյանը վիրավորվել է Հալեպում ընթացող մարտերի ժամանակ: Նշվում է, որ վիրավորվելու պահին նա եղել է Պոստան Փաշա շրջանում, ուր ծանր մարտեր են ընթանում սիրիական բանակի և զինյալների միջև:
Սիրիական բանակի հրամանատարությունը հայտարարություն է տարածել, որով հաստատում է, թե տեղյակ է Արևելյան Հալեպում զինյալ ահաբեկիչների բոլոր թաքստոցների մասին և դիմելով նրանց, կոչ է արել հանձնել զենքերը կամ բանակի տրամադրած ճանապարհներով հեռանալ, հակառակ դեպքում բանակը պատրաստ է ուժգին հակահարված տալ:
