Պեպ Գվարդիոլան «Մանչեսթեր Սիթիի» ֆուտբոլիստներին արգելել է թիմային միջոցառումների ժամանակ օգտվել համացանցից
Մարզիչը «Սիթիի» կյանքի կանոնների մեջ ավելացրել է ևս մեկ խիստ կետ: Ինչպես հաղորդում է The Sun-ը, հիմա ֆուտբոլիստները դիետա են պահում, ընթրում են միայն միասին և չեն կարող օգտվել համացանցից ժողովների ժամանակ:
«Պեպն արգելել է միանալ որևէ ցանցի մարզումային և թիմային աշխատանքների ժամանակ: Նա աշխարհի լավագույն մարզիչն է, ուստի ոչ մի հարց չկա. ֆուտբոլը պետք է լինի առաջին տեղում»,- ասել է «Մանչեսթեր Սիթիի» պաշտպան Պաբլո Սաբալետան:
«Մանչեսթեր Սիթին» 7 տուրերից հետո գրավում է առաջին տեղը:
Գվարդիոլան սահմանեց ակումբային ռեկորդ՝ հաղթելով առաջնության մեկնարկային 6 խաղերը:
Պատրաստեց Անի Գաբուզյանը
