ԵՄ խորհուրդը համաձայնեցրել է Վրաստանի համար վիզաների չեղյալ հայտարարումը
Եվրամիության խորհուրդը համաձայնեցրել է բանակցային դիրքորոշումը Վրաստանի քաղաքացիների համար վիզաների չեղյալ հայտարարման վերաբերյալ, հայտնում է TASS-ը։
«ԵՄ մշտական ներկայացուցիչների կոմիտեն հաստատել է Եվրահանձնաժողովի առաջարկությունը՝ առանց վիզային ռեժիմ տրամադրել Վրաստանին»,- ասվում է հաղորդագրության մեջ։
Նշվում է, որ որոշումն ընդունել է ԵՄ մշտական ներկայացուցիչների կոմիտեն, որը հաստատել է ԵՄ խորհրդի բանակցային դիրքորոշումը առանց վիզային ռեժիմի հաստատման մասին։
Ավելի վաղ Եվրախորհրդարանի քաղաքացիական ազատությունների, արդարադատության և ներքին գործերի հարցով կոմիտեն ձայների մեծամասնությամբ իր աջակցությունն էր հայտնել Վրաստանի հետ ԵՄ առանց վիզային ռեժիմին։
