Արկադի Փելեշյանը բերման է ենթարկվել
Վանաձորի «Հայկական վերածնունդ» կուսակցության ավագանու ցուցակը գլխավորող Արկադի Փելեշյանը բերման է ենթարկվել: Լուրը «Արմենպրես»-ի հետ զրույցում հաստատեցին ոստիկանությունից: «Գիշերը ահազանգ է ստացվել խուլիգանական արարքի վերաբերյալ: Ոստիկանությունում նյութեր են պատրաստվե լ եւ ուղարկվել քննչական կոմիտե: Արկադի Փելեշյանը բերման է ենթարկվել»,-ասացին ոստիկանությունից:
Հայաստանի քննչական կոմիտեի նախագահի խորհրդական Սոնա Տռուզյանն էլ հավելեց, որ դեպքի վերաբերյալ քննություն է սկսվել: «Ձեռնարկվում են անհրաժեշտ քննչական գործողությունները` դեպքի մանրամասները պարզելու համար»,-ասաց Տռուզյանը:
Համաձայն նախնական տեղեկությունների, Վանաձորի «Հայկական վերածնունդ» կուսակցության ավագանու ցուցակը գլխավորող Արկադի Փելեշյանը ծեծի է ենթարկել Վանաձորի Ավետարանի հավատքի եկեղեցիների միության նախագահ Ռաֆիկ Գրիգորյանին: Ռաֆիկ Գրիգորյանը տեղափոխվել էր հիվանդանոց:
