Դիարբեքիրում քուրդ զինյալները երկու զինվոր են սպանել

Դիարբեքիրի Լիջե գավառում Քրդական բանվորական կուսակցության (PKK) անդամները հարձակում են իրականացրել զինվորական անձնակազմի վրա: Ինչպես հաղորդում է  թուրքական «Անադոլու» գործակալությունը:

Հարձակման հետևանքով տեղում մահացել է մեկ զինվոր, չորսը վիրավորվել են և տեղափոխվել հիվանդանոց: Չնայած բժշկական միջամտությանը, սակայն, զինվորներից մեկը ևս մահացել է:

Հարձակումից հետո Լիջեում լայնածավալ որոնողական աշխատանքներ են սկսվել քուրդ զինյալներին հայտնաբերելու նպատակով: