Գյումրիում ֆիզկուլտուրայի դասաժամին 11-ամյա երեխա է մահացել. նոր մանրամասներ
Tsayg.am. Դժբախտ դեպք Գյումրիում: Գյումրու թիվ 21 Օյունջյան միջնակարգ դպրոց-վարժարանում ֆիզկուլտուրայի դասաժամին պարապմունքներ անցկացնելիս մահացել է 11-ամյա Ս. Տ.-ն: Տղան վազելիս է եղել` վատ է զգացել և նստելուց հետո կորցրել է գիտակցությունը: Մինչ շտապ օգնության ժամանումը ֆիզկուլտուրայի ուսուցիչը փորձել է ուշքի բերել երեխային: Շտապ օգնության մեքենայով երեխան ժամը 11:15 ագոնալ մահամերձ վիճակում տեղափոխվել է Գյումրու մոր և մանկան ավստրիական հիվանդանոց, որտեղ բժիշկները պայքարել են նրա կյանքի համար, սակայն փոքրիկի կյանքը փրկել չի հաջողվել: Երեխան, ուսուցիչների բնութագրմամբ, երբեք գանգատներ չի ունեցել, հաճախել է ֆուտբոլի պարապմունքների:
