Թմրամիջոց՝ «Կոշ» ՔԿՀ-ի դատապարտյալի քրոջ բերած աղցանի միջից
Սեպտեմբերի 29-ին՝ ժամը 14:30-ի սահմաններում, ՀՀ ԱՆ «Կոշ» քրեակատարողական հիմնարկի աշխատակիցները, իրացնելով օպերատիվ տվյալները, դատապարտյալ Մ. Կ.-ի անվամբ, քրոջ` Ս. Վ.-ի կողմից որպես հանձնուք բերված աղցանի միջից հայտնաբերել և առգրավել են «B 8» գրառմամբ 10 դեղահաբ և 1,7 գրամ ընդանուր քաշով սուր հոտով սև կոշտ զանգված: Ինչպես հայտնում են ՀՀ արդարադատության նախարարության քրեակատարողական վարչությունից, հայտնաբերվածն ուղարկվել է դատաքիմիական փորձաքննության:
Կատարվում է հետաքննություն:
