Մեծ Բրիտանիան արել է ԵՄ-ից դուրս գալու առաջին քայլը
Մեծ Բրիտանիայի վարչապետ Թերեզա Մեյը մտադիր է հետ կանչել «Եվրոպական միությունների մասին 1972 թվականի օրենքը», որը սահմանել էր Եվրամիության օրենսդրության գերակայությունը Մեծ Բրիտանիայի տարածքում: Չեղյալ հայտարարման մասին կհայտարարվի Մեծ Բրիտանիայի թագուհու ամենամյա ուղերձում, հայտնում է BBC-ի ռուսական ծառայությունը:
Բրիտանական կառավարությունը կներառի բոլոր անհրաժեշտ եվրոպական օրենքները բրիտանական օրենսդրությունում, իսկ նրանք, որոնք կհամարվեն ոչ անհրաժեշտ, ավելի ուշ չեղյալ կհայտարարվեն:
Իր նախաձեռնության մասին Թերեզա Մեյը պատմել է Sunday Times թերթին տված հարցազրույցում: Ինչպես սպասվում է, նա այդ մասին կհայտարարի այսօր Բիրմինհեմում՝ Պահպանողականների ամենամյա կուսակցական համաժողովի ժամանակ:
Ավելի վաղ նա հայտարարել էր, որ չի գործարկի ԵՄ-ից դուրս գալու գործընթացը մինչև հաջորդ տարվա սկիզբը:
