Չինաստանում բարձրահարկեր են փլուզվել
Չինաստանի հյուսիս-արևմուտքում 7 և 4-հարկանի երկու բնակելի շենքեր են փլուզվել: Արտակարգ դեպքը տեղի է ունեցել Հանսյու նահանգում, տեղեկացնում է Sina պորտալը:
Դրա տեղեկություններով՝ դեռևս հայտնի է 1 տուժածի մասին:
Որոնողա-փրկարարական օպերացիան շարունակվում է: Դեպքի վայր են ժամանել հրշեջներ, ոստիկաններ և փրկարար ծառայությունների ներկայացուցիչներ:
Իշխանությունները պարզում են փլուզված շինություններում մարդկանց առկայությունը: Նրանց տեղեկություններով՝ յոթհարկանի շինությունում հյուրանոց է տեղակայված եղել:
