Կիտրոնով և կոկոսի կաթով հրաշք պուդինգ
Ձեզ ենք ներկայացնում կիտրոնով և կոկոսի կաթով համեղ պուդինգ, որը ոչ միայն կզարդարի ձեր տոնական սեղանը, այլև օգտակար կլինի ամբողջ օրգանիզմի համար:
Այս աղանդերն իր բաղադրության մեջ պարունակում է քիչ քանակությամբ կարբոհիդրատներ և մեծ քանակությամբ կոլագեն, որն ուղղակի հրաշալի է հոդերի համար, լավացնում է աղիքային լորձաթաղանթը և խթանում է մազերի, եղունգների աճը, լավացնում է մաշկի վիճակը:
Կոկոսի կաթը հարուստ է հակաբորբոքային, միջին շղթայման եռագլիցերիդներով, որոնք արագ են յուրացվում և այրում են ճարպերը:
Կիտրոնի օգտակար հատկանիշների մասին բազմիցս խոսել ենք մեր նախկին հրապարակումներում: Այն կարգավորում է օրգանիզմի pH մակարդակը, կանխարգելում է երիկամային քարերի գոյացումը, ինչպես նաև քաղցկեղի առաջացումը:
Բաղադրություն
- 3 ճ/գ ժելատին
- Կես բաժակ կիտրոնի հյութ
- 2 բաժակ կոկոսի կաթ
- Քառորդ թ/գ վանիլի մզվածք
- Շաքարի փոխարինիչ (Կարող եք փոխարենը մեղր օգտագործել)
Պատրաստման եղանակը
Կես բաժակ ջուրը լցրեք կաթսայի մեջ, ավելացրեք ժելատինը: Թողեք մնա մի քանի րոպե: Խառնեք կոկոսի կաթը, կիտրոնի հյութն ու վանիլը:
Ցածր կրակի վրա տաքացրեք ժելատինը, որպեսզի այս հալչի: Հանեք կրակից, ավելացրեք մեղրը և լավ խառնեք: Ապա անմիջապես լցրեք կիտրոնի և կոկոսի խառնուրդի մեջ, արագ հարեք:
Պուդինգը լցրեք բաժակների մեջ և թողեք մնա սառնարանում մի քանի ժամ:
Նյութը հրապարակման պատրաստեց Լիլիթ Հարությունյանը
