Վրաստանի նախագահը դեմ է վրացական քաղաքականությանը Սաակաշվիլիի միջամտությանը
Վրաստանի նախագահ Գեորգի Մարգվելաշվիլին դժգոհ է վրացական քաղաքականությանը Միխայիլ Սաակաշվիլիի մասնակցությունից, տեղեկացնում է «Գրուզիա օնլայնը»։
Նրա կարծիքով՝ Վրաստանի նախկին նախագահի հայտարարությունները վատ են ազդում Թբիլիսիի և Կիևի հարաբերությունների վրա։
«Երբ մեր ռազմավարական, բարեկամական երկրի բարձրաստիճան անձը ներգրավված է վրացական քաղաքականությունում նման ագրեսիվ հռետորաբանությամբ, դա դրականորեն չի ազդում։ Այդ մասին ես բազմիցս հայտարարել եմ։ Ես կարծում եմ, որ դա խնդրահարույց է նաև վրաց-ուկրաինական հարաբերությունների համար, սակայն, իհարկե, դա դրամատիկ չէ»,- ասել է Վրաստանի նախագահը «Պիրելի» հեռուստաընկերության եթերում։
Նա կարծում է, որ Սաակաշվիլիի հայտարարությունները, որոնք վերաբերում են հայրենիք նրա վերադարձին, չեն կրում դրական բնույթ։
