Արթուր Ալեքսանյանն ու Միհրան Հարությունյանը բնակարաններ են ստացել Երևանի կենտրոնում
Ռիոյի Օլիմպիական խաղերի չեմպիոն Արթուր Ալեքսանյանն ու փոխչեմպիոն Միհրան Հարությունյանը պետությունից եւ ՀԱՕԿ-ից նվեր են ստացել բնակարաններ, որոնք գտնվում են մայրաքաղաքի Թումանյան եւ Աբովյան փողոցների խաչմերուկի նորակառույց բազմահարկ շենքում:
Յուրաքանչյուր բնակարանի գինը մեկ միլիոն դոլարին համարժեք դրամ է:
Ռիոյի հայ մեդալակիրների պարգեւատրության արարողությունն ընթանում է Օպերայի եւ բալետի ազգային ակադեմիական թատրոնի դահլիճում երկրի ղեկավար Սերժ Սարգսյանի մասնակցությամբ:
Օլիմպիական փոխչեմպիոն Գոռ Մինասյանը պարգեւատրվել է 30 միլիոն դրամով եւ բնակարանով Գյումրիում: Սիմոն Մարտիրոսյանը ստացել է 30 միլիոն դրամ:
Հայաստանի ըմբշամարտի ֆեդերացիայի նախագահ Սամվել Կարապետյանը Արթուր Ալեքսանյանին հանձնել է 100 հազար դոլար, Միհրան Հարությունյանին՝ 90 հազար դոլար, Գոռ Մինասյանին ու Սիմոն Մարտիրոսյանին՝ 30 հազարական դոլար:
