Աշխարհի ամենահարուստ կանայք

Forbes.ru-ն կազմել է աշխարհի ամենահարուստ կանանց ցանկը։

1. Լիլիան Բետանկուր։ L’Oreal ընկերության հիմնադրի դուստրը և նրա ժառանգը ունի 36.1 մլրդ դոլար։ 93-ամյա կինը 1957թ. իրավաբանորեն հանդիսանում է L’Oreal-ի օրինական ժառանգորդը։ Տարիներ առաջ այն հիմնել էր Լիլիան Բետանկուրի հայրը։ Սակայն դատական երկար քաշքշուկների արդյունքում նա ճանաչվեց Ալցհեյմերի հիվանդությամբ տառապող և թուլամտության ախտանշաններ ունեցող։ Թոռնուհին ճանաչվել է նրա խնամակալը, իսկ կարողությունը ղեկավարում է դուստրը։

2. Մարիա Ֆրանկա Ֆիսոլո։ 98-ամյա այս կնոջ ունեցվածքը գնահատվում է 22.1 մլրդ դոլար։ Ընկերությունը նա ժառանգել է ամուսնու՝ Մեշել Ֆերրերոյի մահվանից հետո, ով Ferrero ընկերության հիմնադիրն էր։ Այժմ նա ապրում է Մոնակոյում և չի զբաղվում բիզնեսի կառավարմամբ։ Այդ հարցերով զբաղվում է նրանց որդին՝ Ջովաննին։ Մինչև 2011թ. նրան օգնում էր եղբայրը, ով, սակայն, մահացավ դժբախտ պատահարի արդյունքում։

3. Շարլեն դե Կարվալո-Հեյնեկեն։ 62-ամյա կնոջ ունեցվածքը կազմում է 12.3 մլրդ դոլար։ Հիմնականում եկամուտ Heineken ընկերությունից է ստանում։ Գարեջուր արտադրող գիգանտի բաժնետոմսերի 25 տոկոսն Շարլենին անցան ամուսնու մահից հետո։ Նա ապրում է Լոնդոնում, հետաքրքրվում է լուսանկարչությամբ, երաժշտությամբ և ճարտարապետությամբ, սպորտով։

4. Այրիս Ֆոնտբոնա։ 73-ամյա այս կնոջ ունեցվածքը գնահատվում է 10.1 մլրդ դոլար։ Ունեցվածքի աղբյուրը Quinenco ընկերությունն է։ Այրիսը միլիարդատեր Անդրոնիկո Լուկսիսի այրին է։ Ընտանիքն աշխարհում մեղրի պատրաստման ամենամեծ ընկերության սեփականատերն է, բանկի բաժնետեր, Խորվաթիայում գտնվող երկու առողջարանի սեփականատեր։

5. Ջինա Ռեյնհարդ։ 62-ամյա կնոջ ունեցվածքը գնահատվում է 8.8 մլրդ դոլար։ Հորից ժառանգելով Hancock Prospecting կազմակերպությունը՝ Ջինան այն նոր մակարդակի բարձրացրեց։ Այժմ նա ապրում է Ավստրալիայում։

6. Իզաբել դուշ Սանտուշ։ Անգոլայի նախագահի դուստրը, ով Բաքվում է ծնվել, բաժնեմասեր ունի ընկերություններում, որոնք զբաղվում են ցեմենտով, հեռուստահաղորդակցությամբ, նավթով, ալմաստով, բանկերով։ Ընդ որում, այդ ընկերությունները գտնվում են ոչ միայն Աֆրիկայում, այլևս Պորտուգալիայում։ Ունեցվածքը գնահատվում է 3 մլրդ դոլար։