Պաշտպանության նախարարի ամենահավանական թեկնածուն. yerkir.am
yerkir.am-ի տեղեկություններով` վերջին օրերին իշխանական կուլիսներում ակտիվորեն քննարկվում է Պաշտպանության փոխնախարար Մովսես Հակոբյանին պաշտպանության նախարար նշանակելու հարցը: Այն ժամանակ, երբ Հակոբյանին Ղարաբաղից տեղափոխեցին Հայաստան՝ նշանակելով ԶՈՒ շտաբի պետի տեղակալ, խոսվում էր, որ հետո էլ նախարար է նշանակվելու:
Կայքի հետ զրույցում Մովսես Հակոբյանը չցանկացավ խոսել իր՝ հնարավոր նշանակման մասին: «Գուշակություններով չեմ զբաղվում»,- ասել է նա: Նաև հրաժարվել է պատասխանել հարցին` եթե նախարար նշանակվելու առաջարկություն արվի՝ կհամաձայնի՞, թե՞ ոչ:
Նշենք, որ Հակոբյանը վերջին շրջանում հաճախ Մոսկվա գործուղումների է մեկնում:
Ամբողջությամբ՝ սկզբնաղբյուր կայքում:
