Եվրոպան լքած հարյուրավոր ջիհադիստներ վերադառնում են հայրենիք. ԶԼՄ-ներ
Գերմանիայի անվտանգության ծառայությունները նախազգուշացնում են, որ մեծացել է Եվրոպան լքած և նորից հայրենիք վերադարձող ջիհադիստների թիվը, հայտնում է Welt am Sonntag-ը:
Պարբերականի տեղեկություններով՝ Եվրոպայից մոտ 6 հազար մարդ է ուղևորվել ռազմական հակամարտությունների գոտի, իսկ հիմա նրանց մեկ երրորդը կարող է վերադառնալ հայրենի երկրներ: Պատճառը կարող է լինել այն կորուստը, որը ներկայումս կրում է ԴԱԻՇ-ը:
«Ջիհադիստների վերադարձը մեծ սպառնալիք է ներկայացնում: Հաճախ նրանց չափազանց արմատական են, ունեն ռազմական պատրաստություն, փորձ են կուտակել ռազմական գործողությունների ժամանակ»,- պարբերականին հայտնել է Գերմանիայի քրեական ոստիկանության դաշնային գերատեսչության ղեկավար Հոլգեր Մյունխը:
Պաշտոնյան նախազգուշացրել է իսլամիստական կապերի և շփումների մասին, որոնք ջիհադիստները ստեղծում են Սիրիայում կամ Իրաքում, իսկ հետո դրանք պահպանում են նաև տունդարձից հետո:
Նման ցանցերի առկայությունը հաստատում են նաև Փարիզում և Բրյուսելում հարձակումներ իրականացրած ահաբեկիչները:
