Համեղ և օգտակար տաք շոկոլադ
Տաք շոկոլադ սիրում են շատերը: Սա ոչ միայն համեղ, այլև հագեցնող ըմպելիք է: Սակայն քչերը գիտեն, որ ճիշտ պատրաստման դեպքում այն կարող է օգտակար դառնալ օրգանիզմի համար:
Բավական է տաք շոկոլադին մի քանի համեմունք ավելացնել, և ձեր օրգանիզմը կստանա անհրաժեշտ միկրոէլեմենտները, որոնք կբարձրացնեն իմունիտետը, կպաշտպանեն մրսածությունից, կբարձրացնեն աշխատունակությունն ու կապահովեն լավ տրամադրությունը:
Այսպիսով, ի՞նչ է անհրաժեշտ.
- 2 բաժակ նշի կաթ (հակառակ դեպքում՝ սովորական կաթ)
- Կես ճ/գ կակաո կամ դառը շոկոլադ
- 1 թ/գ աղացած դարչին
- Կես թ/գ աղացած մեխակ
- Քառորդ ճ/գ շաքարի փոխարինիչ
- Մեկ պտղունց աղ
Փոքր կաթսայի մեջ խառնեք կակաոն, շոկոլադը՝ համեմունքներով, շաքարի փոխարինիչով և աղով: Ամբողջի վրա լցրեք կաթն ու եփեք միջին կրակի վրա՝ անընդհատ խառնելով, որպեսզի բոլոր բաղադրիչները հալչեն:
Զգուշորեն ըմպելիքը տեղափոխեք բաժակների մեջ և մատուցեք:
Նյութը հրապարակման պատրաստեց Լիլիթ Հարությունյանը
