«Չեմ հավատում, թե ԼՂ հարցում ԱՄՆ-ն առաջատարի դիրքը կզիջի Ռուսաստանին». Զախարովա
Չեմ հավատում, թե Լեռնային Ղարաբաղի հակամարտության կարգավորման հարցում ԱՄՆ-ն առաջատարի դիրքը կզիջի Ռուսաստանին: Ադրբեջանական APA գործակալության մոսկովյան թղթակցի հաղորդմամբ` այս մասին երեկ կայացած ավանդական ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«ԱՄՆ պետքարտուղար Ջոն Քերիի` Մոսկվա կատարած վերջին այցի ժամանակ նա Կրեմլին առաջարկել առաջատարի դեր խաղալ Լեռնային Ղարաբաղի հակամարտության կարգավորման հարցում` Սիրիայում դիրքերը զիջելու դիմաց»:
Լրագրողի հարցին, թե որքանով է դա ճշմարիտ, Զախարովան պատասխանել է, թե չի հավատում, որ ԱՄՆ-ն ինչ-որ հարցում կհամաձայնի զիջել առաջատարի դիրքերը Ռուսաստանին:
«Եթե դա այդպես լիներ, դա կլիներ իսկական առաջընթաց»,- հայտարարել է ՌԴ ԱԳՆ պաշտոնական ներկայացուցիչը:
