Որ ապահովագրականներն են ամենից շատ մերժել դիմումատուներին ԱՊՊԱ-ի գծով
Հայաստանի ավտոապահովագրողների բյուրոյի տվյալներով՝ Հայաստանում գործող 6 ապահովագրական ընկերությունները միասին այս տարվա առաջին կիսամյակում ստացել են ԱՊՊԱ-ի գծով հատուցում ստանալու համար ներկայացված 19238 դիմում։ Դրանցից 449-ը մերժվել են։ Մերժված դիմումներից 109-ը անձնական բնույթի են (այդ թվում՝ մահվան դեպքերի վերաբերյալ դիմումներ), 340-ը՝ գույքային բնույթի։
Ստորև բերված աղյուսակում ըստ առանձին ընկերությունների ներկայացված է՝ որ ընկերությունը որքան դիմում է ստացել, և քանիսն է մերժել։
Քանի որ բացարձակ թվերը ինքնին ոչինչ չեն նշանակում, մենք այս տվյալները վերածել ենք տոկոսների։ Այսինքն՝ հաշվել ենք, թե ապահովագրական ընկերություններից յուրաքանչյուրը իր ստացած դիմումների քանի տոկոսն է մերժել։
Ինչպես տեսնում եք այս գծապատկերում, մերժումների գծով առաջատարը «Նաիրի Ինշուրանսն» է, որը մերժել է ստացված դիմումների 3.11%-ը։ Իսկ, պատկերավոր ասած, ամենաառատաձեռնը «Ռեսո» ապահովագրականն է, որը մերժել է հատուցում ստանալու համար ներկայացված դիմումների 1.48%-ը։
Միջին հաշվով, 6 ապահովագրական ընկերությունները միասին մերժել են ստացված դիմումների 2.33%-ը։
Նշենք, որ նույն ժամանակահատվածում Հայաստանի ավտոապահովագրողների բյուրոն ստացել է ԱՊՊԱ-ի գծով հատուցում ստանալու համար ներկայացված 229 դիմում, մերժել է դրանցից 11-ը (4.8%):
