«Մենք մինչև գնում էինք՝ նռնակները պայթեցին…». Life news-ի օպերատոր Տիգրան Գասպարյանը բեկորային վնասվածքներ է ստացել
«Ոստիկանները մեզ ասացին՝ անցեք մի քիչ աջ՝ իբր անվտանգ հատված: Մենք մինչև գնում էինք՝ նռնակները պայթեցին: Բեկորային վնասվածքներ եմ ստացել: Հիմա ինձ լավ եմ զգում, ուղղակի ոտքս ցավում է, չեմ կարողանում քայլել»,- լրագրողների հետ զրույցում պատմեց Երևանի «Սուրբ Գրիգոր Լուսավորիչ» բժշկական կենտրոնում գտնվող Life news-ի օպերատոր Տիգրան Գասպարյանը: Տիգրանը ևս տուժել է Սարի թաղում երեկ գիշերը տեղի ունեցած միջադեպից:
Նա ասաց, որ ոստիկաններն իրենց չեն զգուշացրել հնարավոր գործողությունների մասին, այլ պարզապես հորդորել են տեղափոխվել իրենց նշած վայրը:
«Այնպես չէր, որ նպատակադրված՝ մեզ վրա են գցել նռնակները»,- ասում է օպերատորը: Մինչդեռ ոստիկանների գործողություններից տուժած «Ա1+»-ի լրագրող Ռոբերտ Անանյանն այն կարծիքին է, որ ոստիկանները թիրախավորել են լրագրողներին:
Մանրամասները՝ 168.am-ի տեսանյութում:
