Օլանդը հայտարարել է Ֆրանսիայում ազգային գվարդիայի ստեղծման մասին
Ֆրանսիայում բնակիչներին ահաբեկչական հարձակումներից պաշտպանելու նպատակով ստեղծվելու է ազգային գվարդիա, հայտարարել է Ֆրանսիայի նախագահ Ֆրանսուա Օլանդը:
Ինչպես նշել է Ֆրանսիայի նախագահը, ազգային գվարդիան ձևավորվելու է ոստիկանության և ժանդարմերիայի գործող ռեզերվներից: Նոր կառույցի հիմնական խնդիրն է լինելու ապահովել բնակչության պաշտպանությունը ահաբեկիչների հարձակումներից, հայտնում է BBC-ն:
Ազգային գվարդիայի ստեղծման շուրջ խորհրդատվությունները Ֆրանսիայի խորհրդարանում սկսվելու են սեպտեմբերին:
Օլանդի խոսքով` նոր կառույցը պետք է ստեղծվի որքան հնարավոր է արագ, որպեսզի պաշտպանի ֆրանսիացիներին:
Ազգային գվարդիան առաջին անգամ ստեղծվել է Ֆրանսիայում 1789 թվականին` հեղափոխության արդյունքները պաշտպանելու նպատակով, 1872-ին այն լուծարվել էր:
