Պուտինը Ղրիմը ներառել է Հարավային դաշնային օկրուգի կազմում
ՌԴ նախագահ Վլադիմիր Պուտինը Ղրիմի դաշնային օկրուգը միացրել է Հարավային դաշնային օկրուգին, հայտնում է Կրեմլի մամուլի ծառայությունը:
Միավորման նպատակը «պետական իշխանության դաշնային մարմինների գործունեության արդյունավետության բարձրացումն է», հայտնում է BBC-ի ռուսական ծառայությունը:
Ռուսաստանի նախագահի լիազոր ներկայացուցիչը Հարավային դաշնային օկրուգում լինելու է Վլադիմիր Ուստինովը:
Ղրիմի դաշնային օկրուգը ղեկավարող Օլեգ Բելավենցևը նշանակվել է Պուտինի լիազոր ներկայացուցիչ Հյուսիսկովասյան դաշնային օկրուգում:
Ռուսաստանը Ղրիմը բռնակցել է 2014թ. մարտին հանրաքվեի արդյունքում:
Դրա լեգիտիմությունը չի ընդունում ՄԱԿ-ի անդամ երկրների մեծ մասը:
