Սիրիական Կամիշլի քաղաքում պայթյունի հետևանքով զոհերի թիվը հասել է 52-ի
Սիրիայի Կամիշլի քաղաքում (Սիրիական Քուրդիստան) մեքենայի պայթյունի հետևանքով զոհերի թիվը հասել է 52-ի, հայտնում է «Սինհուա» գործակալությունը:
Ավելի վաղ հաղորդվում էր 45 զոհի և 170 տուժածի մասին:
Ականապատ բեռնատարը պայթել էր Քրդական բարձրագույն կոմիտեի ռազմական թևի` Ժողովրդական ինքնապաշտպանության ջոկատի կենտրոնակայանից քիչ հեռու:
Հզոր պայթյունից ավերվել են մինչև 500 մ շառավղի վրա գտնվող շինությունները: Ահաբեկչության պատասխանատվությունն ստանձնել է ԴԱԻՇ-ը:
