Թուրքիան կվերանայի Ռուսաստանի հետ բոլոր նախագծերը. Թուրքիայի էներգետիկայի նախարար
Թուրքիան կվերանայի Ռուսաստանի հետ բոլոր նախագծերը, ասել է Թուրքիայի էներգետիկայի և բնական ռեսուրսների նախարար, Թուրքիայի նախագահ Ռեջեփ Թայիփ Էրդողանի փեսա Բերաթ Ալբայրաքը թուրքական Haber Türk հեռուստաալիքին տված հարցազրույցում:
«Թուրքիան կվերանայի Ռուսաստանի հետ բոլոր նախագծերը հարաբերությունների ճգնաժամից հետո»,- ասել է թուրք նախարարը:
Նրա խոսքով` հարաբերությունների կարգավորումը ձեռնտու է երկու երկրներին:
Թուրքիան և Ռուսաստանը մտադիր էին կյանքի կոչել էներգետիկ մի շարք նախագծեր, ինչպիսիք են «Թուրքական հոսքն» ու «Ակկույու» ԱԷԿ-ը:
Տվյալ նախագծերը սառեցվել էին երկու երկրների հարաբերությունների ճգնաժամից հետո:
