Պաշտոնական. Սեմ Էլարդայսը Անգլիայի հավաքականի գլխավոր մարզիչն է
61-ամյա մասնագետի հետ կնքվել է երկամյա պայմանագիր: Անգլիացին կհեռանա «Սանդերլենդի» գլխավոր մարզչի պաշտոնից և կանցկացնի առաջին խաղը նոր թիմի հետ արդեն սեպտեմբերի 1-ին:
Էլարդայսի նշանակման վերաբերյալ միաձայն որոշում են ընդունել Ֆուտբոլային ասոցիացիայի վարչության բոլոր 3 անդամները՝ Մարտին Գլենը, Դեն Էշվորտը և Դևիդ Գիլը:
«Ես կանեմ ինձանից կախված ամեն ինչ, որպեսզի օգնեմ Անգլիային և հասնեմ հաջողության, ինչին արժանի են մեր երկրպագուները: Առաջին հերթին՝ մենք պետք է հասնենք թիմի նկատմամբ ազգային հպարտության»,- հայտարարել է Մեծ Սեմը, ով փրկեց «Սանդերլենդին» ԱՊԼ-ից դուրս թռնելուց:
Պատրաստեց Անի Գաբուզյանը
