«Մխիթարյանը չափազանց փորձառու ֆուտբոլիստ է». Դենիս Իրվին

Անգլիական «Մանչեսթեր Յունայթեդի» նախկին ֆուտբոլիստ Դենիս Իրվինն իր հարցազրույցներից մեկում խոսել է թիմի նորեկ, Հայաստանի ազգային հավաքականի ավագ Հենրիխ Մխիթարյանի մասին:

Իրվինը նշել է, որ Մխիթարյանը հիանալի ֆուտբոլիստ է և արժանի է թիմին:
«Հիմա Մխիթարյանի լավագույն տարիքն է: Նա չափազանց փորձառու է: Դրանում, կարծում եմ, արդեն համոզվեցիք: Նա նաև շատ ատլետիկ է»,- ասել է Իրվինը:

Իրվինը խոսել է նաև Մխիթարյանի անցկացրած առաջին խաղի մասին: Փորձառու ֆուտբոլիստը նշել է, որ շատերը կարող են կարծել, թե Մխիթարյանը խաղաց ընդամենն «Ուիգանի» դեմ, բայց պետք է հաշվի առնել, որ «Մանչեսթեր Յունայթեդի» նորեկը հաղթահարեց հսկայական ճնշում:

Սիրարփի Աղաբաբյան