Տանկերը շրջափակել են Թուրքիայի խորհրդարանը
Անկարայում տանկերը շրջափակել են Թուրքիայի խորհրդարանի շենքը։
«Եվրոնյուզի» ուղիղ հեռարձակմամբ երևում է, որ մեծ թվով մարդիկ են դուրս եկել փողոց։ Նրանցից շատերը Թուրքիայի դրոշներով են։ Սակայն հայտնի չէ, թե նրանք ում են պաշտպանում՝ գործող իշխանությանը, թե հեղաշրջման կազմակերպիչներին։
Հնչում են նաև կրակոցներ, իրավիճակը շարունակում է լարված մնալ։
Նշենք, որ Թուրքիայում դադարեցվել է պետական հեռուստաընկերության և մի շարք միջազգային հեռուստաընկերությունների աշխատանքը։
